საქართველოს პრეზიდენტის გიორგი მარგველაშვილი მრჩეველი ეკონომიკურ საკითხებში გიორგი აბაშიშვილი აცხადებს, რომ პრეზიდენტის ადმინისტრაცია აშშ-ში დაგეგმილ შეხვედრებს აუქმებს.

"რამდენიმე წუთის წინ ვაშინგტონში, საერთაშორისო სავალუტო ფონდის მმართველ დირექტორთან საქართველოს პრეზიდენტის 26 სექტემბერს დაგეგმილი შეხვედრის გაუქმების თხოვნით გავაგზავნე წერილი, გუშინ გვიან საღამოს პრეზიდენტ მარგველაშვილისა და მსოფლიო ბანკის პრეზიდენტის დოქტორ კიმის ასევე 26 სექტებერს დაგეგმილი შეხვედრის გაუქმება ვითხოვე, დღეს ასევე შევაჩერე საქართველოს პრეზიდენტისა და ამერიკის სავაჭრო პალატის პრეზიდენტის შეხვედრასთან დაკავშირებული მოსამზადებელი სამუშაოები", - განაცხადა გიორგი აბაშიშვილმა.

შეგახსენებთ, რომ გუშინ საქართველოს პრეზიდენტის გიორგი მარგველაშვილის სპეციალური ბრიფინგიდან ცნობილი გახდა, რომ გაეროში დაგეგმილი ვიზიტი ჩაიშალა. მარგველაშვილის განცხადებით, ადგილი ჰქონდა მიზანმიმართულ ქმედებას.