საზოგადოება „ივერიას“ წარმომადგენელი ნინო კალანდაძე საქართველოს პრეზიდენტის გიორგი მარგველაშვილის გაეროში დაგეგმილი ვიზიტის ჩაშლას ეხმაურება.

„ფაქტი რომ პრეზიდენტს და პრეზიდენტის ინსტიტუტს, მთავრობა ასე ექცევა და ამ ინსტიტუტის ასე ფეხქვეშ გათელვა ხდება, არის ძალიან დამაზიანებელი ჩვენი ქვეყნის არა მხოლოდ იმიჯისთვის, არამედ სახელმწიფოებრიობისთვის, იმიტომ, რომ აშკარა უპატივცემულობაა სახელმწიფო ინსტიტუტების, რაც თავისთავად არის ძალიან ცუდი“, - განაცხადა ნინო კალანდაძემ.

შეგახსენებთ, რომ გუშინ საქართველოს პრეზიდენტის გიორგი მარგველაშვილის სპეციალური ბრიფინგიდან ცნობილი გახდა, რომ გაეროში დაგეგმილი ვიზიტი ჩაიშალა. მარგველაშვილის განცხადებით, ადგილი ჰქონდა მიზანმიმართულ ქმედებას.