პარტია „ერთიანი ნაციონალური მოძრაობის“ წევრი სერგო რატიანი, საქართველოს პრეზიდენტის გიორგი მარგველაშვილის გაეროში ჩაშლილ ვიზიტს გამოეხმაურა.

უმცირესობის წევრი აღნიშნულ ფაქტს სამარცხვინოს უწოდებს.

„სამარცხვინოა, როდესაც არაფორმალური პირის, ოლიგარქის მითითებით იშლება ქვეყნის პრეზიდენტის ვიზიტი. ეს არის ქვეყნის ინსტიტუციური განვითარების წინააღმდეგ მიმართული ქმედება. სამარცხვინოა მთავრობა, რომელიც ქვეყნის პრეზიდენტის ვიზიტს ჩაშლის არაფორმალური პირის მითითებით“,- განაცხადა სერგო რატიანმა.

შეგახსენებთ, რომ რამდენიმე წუთის წინ საქართველოს პრეზიდენტის გიორგი მარგველაშვილის სეპციალური ბრიფინგიდან ცნობილი გახდა, რომ გაეროში დაგეგმილი ვიზიტი ჩაიშალა. მარგველაშვილის განცხადებით, ადგილი ჰქონდა მიზანმიმართულ ქმედებას.