ყოფილი პრემიერ-მინისტრის, ბიძინა ივანიშვილის ინტერვიუს, იუსტიციის მინისტრი ეხმაურება. თეა წულუკიანი ადასტურებს, რომ მთავრობასა და პრეზიდენტს შორის თანამშრომლობა გართულებულია.

„რამდენიმე ხანია თანამშრომლობა მთავრობასა და პრეზიდენტს შორის გართულებულია. პირადად მე, არასდროს, ჩემი მინისტრად ყოფნისას თუ სხვა პოზიციაზე ყოფნისას არ გავაკეთებ იმას, რაც ქვეყნის ინტერესეს დააზიანებს და რაც შეიძლება ახარებდეს „ნაცინალურ მოძრაობას“, - აცხადებს წულუკიანი.

მინისტრი ასევე ეთანხმება ბიძინა ივანიშვილს იმაში, რომ სასჯელაღსრულების სისტემაში გაცემული მაღალი პრემიები, სამარცხვინოა.

„ვეთანხმები ბატონ ბიძინას იმაში, რომ ის სამარცხვინო პრემიები რაც სასჯელაღსრულების სისტემაში გაიცა, არის პრობლემა. პრემიერის ძალიან სერიოზული ძალისხმევის შედეგია ის, რომ ვერავინ ვერასდროს ამგვარი თვითნებური პრემიების გაცემას ვერ გაბედავს. ეს იყო პრობლემა პირველი და უკანასკნელი. ამის შემდეგ მთავრობაში პრემიერის ინიციატივით პრემიების გაცემის ახალი წესი, რომელსაც ყველა საჯარო მოხელე იცავენ დიდი ზედმიწევნით“, - განაცხადა წულუკიანმა.

ყოფილმა პრემიერმა ბიძინა ივანიშვილმა „კვირის პალიტრასთან“ ექსკლუზიურ ინტერვიუში საუბრისას გიორგი მარგველაშვილი მთავრობასთან „არაჯანსაღ კონკურენციაში“ დაადანაშაულა. მისი თქმით, კონფლიქტი მთავრობასა და პრეზიდენტს შორის „ნაციონალურ მოძრაობას“ აწყობს. რაც შეეხება გაერო-ს სამიტზე გასამგზავრებელ დელეგაციას, ექს-პრემიერი ამბობს, რომ გაერო-ს სამიტზე წასვლა პრემიერ-მინისტრის პრეროგატივაა.