ამერიკის შეერთებულ შტატებში ვიზიტს აგრძელებს საპარლამენტო უმცირესოსობა. დავით ბაქრაძე, გიგა ბოკერია და გიორგი კანდელაკი სენატორ ჯონ მაკკეინსა და კონგრესმენ მაიკლ ტერნერს შეხვდნენ.

ასევე გამართეს შეხვედრა ეროვნულ-დემოკრატიულ ინსტიტუტში, საღამოს კი საერთაშორისო რესპუბლიკური ინსტიტუტის მიერ ორგანიზებულ ყოველწლიურ ღონისძიებას დაესწრნენ.

ვაშინგტონში გამართულ შეხვედრებში მთავარი თემა საქართველოს შიდა პოლიტიკა და რეგიონული უსაფრთხოება იყო.

„ჩვენ ბევრ საკითხზე ვისაუბრეთ, მათ შორის ადმინისტრაციის წევრების მიმართ სამართლებრივი პროცესის აღძვრაზე, რაც ჩემი აზრით ძალიან სამწუხაროა. შევეხეთ ზოგად პოლიტიკურ კლიმატს . ასევე ვისაუბრეთ რუსეთის მიერ სამხრეთ ოსეთისა და აფხაზეტის ოკუპაციაზე“, - განაცხადა მაკკეინმა შეხვედრის დასრულების შემდეგ.