„პედაგოგებისთვის ხელფასების ზრდა ეტაპობრივად მოხდება“, - ამის შესახებ მთავრობის სხდომის დაწყებამდე განათლების მინისტრმა თამარ სანიკიძემ განაცხადა. მისი თქმით, პედაგოგთა სახელფასო პოლიტიკა სამინისტროს მიერ შემუშავებულ ახალ სისტემას უნდა მოერგოს.

"2015 წლისთვის რა რესურსები იქნება მიმართული პედაგოგთა ხელფასების ზრდისთვის, ნოემბერში იქნება ცნობილი და დეტალურ კომენტარის გაკეთება ამის შემდეგ იქნება შესაძლებელი. რაც შეეხება შემდეგ ზრდას, 2016-2017 წლებიც იქნება ხელფასების მატების მხრივ მზარდი. პედაგოგის ხელფასი უნდა შეესაბამებოდეს საქართველოში არსებულ საშუალო ხელფასს, რომელსაც დღეს ძალიან ჩამორჩება", - განაცხადა სანიკიძემ.