ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი შს მინისტრის ინტერვიუს ეხმაუირება, სადაც ჭიკაიძე ამბობს, რომ მიხეილ სააკაშვილი ქვეყნის დესტაბილიზაციას გეგმავდა. ალექსი პერტიაშვილი მიიჩნევს, რომ რადგან მინისტრი აღნიშნულ განცხადებას აკეთებს, ესეიგი ამის საფუძველი აქვს.

„ჭიკაიძეს როგორც ჩანს აქვს ამის საფუძველი და ინფორმაცია, რომ ეს ივარაუდოს. თუმცა მე შემიძლია გითრათ, რომ დესტაბილიზაციის კუთხით ვერავინ ვერაფერს ვერ შეძლებს, რადგან გამართულად მუშაობს ყველა ინსტიტუცია. განსაკუთრებით მინდა მადლობა გადაუხადო შინაგან საქმეთა სამინისტროს და მის შემადგენლობას“, - განაცხადა პეტრიაშვილმა.

ალექსანდრე ჭიკაიძე აცხადებს, რომ საქართველოს ექსპრეზიდენტმა მიხეილ სააკაშვილმა “ერთიანი ნაციონალური მოძრაობის” წევრებს და არასამთავრობო ორგანიზაციების ლიდერებს დაავალა შექმნან ჯგუფები, რომლებმაც პროვოკაციულად უნდა იმოქმედონ.

“ჩემთვის ცნობილია ინფორმაცია იმის თაობაზე, რომ მიხეილ სააკაშვილმა მისცა კონკრეტული დავალებები “ნაციონალური მოძრაობის” წევრებს და არასამთავრობო ორგანიზაციების ლიდერებს, ეს დავალებები კიევსა და თურქეთში ჩატარებული თათბირებზე გაიცა. ამ შეხვედრების მთავარი თემა არ იყო შიდა პარტიული საკითხები, სააკაშვილმა ქვეყანაში ქაოსის შესაქმნელად კონკრეტული დავალებები და გეგმები მისცა“, - განაცხადა ჭიკაიძემ „ალიასთან“ საუბრისას.