„წარმატება რაც საქართველომ ნატოს სამიტზე მიაღწია პირველ რიგში არის საქართველოს შეიარაღებული ძალების დამსახურება.- ამის შესახებ საქარტველოს თავდაცვის მინისტრმა ირაკლი ალასანიამ , რუსთავი 2-ის გადაცემა ”არჩევანში” განაცხადა.

ალასანიამ კომენტარი სამიტის დეკლარაციაში არსებულ 31-ე მუხლზეც გააკეთა.

მისი თქმით, სამიტის დეკლარაციაში პირდაპირ წერია, რომ ეს პაკეტი ხელს შეუწყობს საქართველოს გაწევრიანებას ნატოში.

"საქართველოს მთავრობამ ყველაფერი გააკეთა სამიტზე მაქსიმალური შედეგის მისაღწევად. საგარეო საქმეთა სამინისტროს, ევროინტეგრაციის და ნატოსთან ინტეგრაციის სამინისტროს არცერთი შესაძლებლობა ხელიდან არ გაუშვია რომ სამიტიდან მაქსიმუმი მიმეღო.- განაცხადა ალასანიამ

თავდაცვის მინისტრის განცხადებით, საქართველოს ნატოში გაწევრიანება შესაძლოა მაპის გარეშე მოხდეს

ალასანია არ გამორიცხავს, რომ საქართველოს ნატოში მიწვევა უკვე არსებული ინსტრუმენტებით გახდეს.

ალასანიამ სამიტზე მიღწეული შეთანხმებების ინპლიმენტაციაზეც ისაუბრა და განაცხადა, რომ უკვე დაიწყო მუშაობა ნატოს საწვრთნელი-სასწავლო ცენტრის საქართველოში დასაარსებლად. ასევე, დაიწყება მოლაპარაკებები ნატოს წევრ ქვეყნებთან თავდაცვითი იარაღის შეძენის შესახებ .

”ჩვენი თანამშრომლომლობა არავის წინააღმდეგ არ არის მიმართული, ჩვენი ქმედებები მიმართულია იმისთვის, რომ ცა გვქონდეს დაცული და ჩვენს მებრძოლებს თავდაცვა შეეძლოთ ადეკვატურად. ის პოლიტიკა, რომელსაც საქართველო ახლა ატარებს, არის ყველაზე ადეკვატური და სწორი. არ უნდა მივცეთ რუსეთს საშუალება რომ ჩაგვითრიოს რაიმე პროვოკაციაში. ჩვენი ეს პოლიტიკა სწორად არის შეფასებული ჩვენი სტრატეგიული პარტნიორების მხრიდან. ჩვენი მთავრობა არ დაუშვებს იმას, რომ შესაძლო აგრესიას შევხვდეთ ისე როგორც 2008 წელს, მთელი ძალისხმევა იმაზეა მიმართული, რომ ჩვენ ჯარსჰქონდეს ღირსეული თავდაცვის საშუალება”,- განაცხადა თავდაცვის მინისტრმა