"სტატისტიკით ვერ ვუმკურნალებთ იმ ოჯახებს, რომლებსაც ბოლო პერიოდში ტკივილი მიადგათ“, - ამის შესახებ პრეზიდენტმა გადაცემა „არჩევანში“ განაცხადა.

მისი თქმით, კრიმინოგენური ვითარება სტატისტიკის ჭრილში არ უნდა განიხილებოდეს.

"ეს თემა სტატისტიკურ ჭრილში არ უნდა განვიხილოთ, რადგან არიან ოჯახები, რომლებსაც ბოლო დროს მიადგათ ტკივილი, თავი იგრძნეს დაუცველად. აქ სტატისტიკით ვერ უმკურნალებ მათ ტკივილს", - განაცხადა მარგველაშვილმა.

მისი თქმით, რეალურად კრიმინოგენური ვითარების დამარცხება ხდება მაშინ, როცა საზოგადოება ბოლომდე ენდობა თავის პოლიციას.

"რეალურად კრიმინოგენური ვითარების დამარცხება ხდება მაშინ, როცა საზოგადოება ბოლომდე ენდობა თავის პოლიციას, ნდობა ფორმიანი ადამიანის მიმართ მაღალია, ეს არის ის მომენტი, რა მომენტიდანაც კრიმინალი სუსტდება ქვეყანაში და მარცხდება. ეს ნდობა მუდმივად გასაღრმავებელია. ჩვენ ყველამ უნდა ვიზრუნოთ იმაზე, რომ პატრული თუ პოლიციის თანამშრომელი იყოს დამცველი და მასთან ამყარებდეს მოქალაქე ურთიერთობას", - განაცხადა მარგველაშვილმა.