პარლამენტის ადამიანის უფლებათა დაცვის კომიტეტში დღეს საზოგადოებრივი მაუწყებლის წარმომადგენლებს ელოდებიან.

სხდომაზე საზოგადოებრივი მაუწყებლის 2013 წლის ანგარიში უნდა განიხილონ.

ასევე იმსჯელებენ 2013 წელს განხორციელებულ საქმიანობაზე. კომიტეტის თავმჯდომარის თქმით, მათ გარკვეული რეკომენდაციებიც აქვთ მაუწყებლის ხელმძღვანელობასთან, რომლის შესახებ საუბარს დღეს აპირებენ.

„ჩვენ შეგვეძლება ამ ანგარიშის მოსმენა და შესაბამისი რეკომენდაციების მიცემა. შემდგომ ეტაპზე ადამიანის უფლებების დაცვის მაღალი სტანდარტების დანერგვის მიზნით, განსაკუთრებით ყურადღება გამახვილდება იმაზე, რომ მომზადდეს ისეთი ტიპის გადაცემები, რომელიც ამ სტანდარტების დანერგვას ხელს შეუწყოს“, - განაცხადა ეკა ბესელიამ.