ვინ ჩაჯდება თვითმფრინავში და ვინ წავა ნიუ-იორკში

პოლიტიკა - 10:23, 09 Sep, 2014

1899

გაეროს ასამბლეაზე პრეზიდენტისა და პრემიერის დელეგაციების წასვლასთან დაკავშირებით, მმართველ გუნდში კვლავ აზრთა სხვადასხვაობაა.

უმრაველსობის აზრით, ნიუ-იორკში პრემიერის ხელმძღვანელობით ერთი დელეგაცია უნდა გაემგზავროს, თუმცა ცნობილია, რომ სამიტზე გამგზავრებას მარგველაშვილიც გეგმავს.

საგრეო საქმეთა სამინისტრო კი მხოლოდ პრემიერის ვიზიტს ამზადებს. როგორც უწყებაში აცხადებენ, დარჩენილ დროში გაგრძელდება პრეზიდენტის ადმინიტრაციასთან კომუნიკაცია და საკუთარ არგუმენტებს პრეზიდენტს პირადად მაია ფანჯიკიძე გააცნობს.

ასამბლეა სექტემბრის ბოლოს გაიხსენება და ღარიბაშვილი 26 სექტმებრს სიტყვით გამოვა. იგი ასევე დაესწრება ასამბლეის ფარგლებში გამართულ რამდენიმე მნიშვნელოვან ღინიშძიებას.

"საქართველოს მთავრობის ხელმძღვანელი, საქართველოს პრემიერ-მინისტრი წარმოადგენს დელეგაციას და აქ დაცული იქნება კონსტიტუცია, ირაკლი ღარიბაშვილი იქნება დელეგაციის ხელმძღვანელი და მე ვფიქრობ, რომ აქ რაიმე საკანონმდებლო და სამართლებრივი საკითხი და პრობლემა არ არსებობს“,- განაცხადა ეკა ბესელიამ.

საპარლამენტო უმცირესობას კი მიაჩნია, რომ ყველა მსგავს საერთაშორიო ღონიძიებაზე პრეზიდენტი უნდა გაემგზავროს.

"არ შეიძლება, რომ ყოველ ვიზიტთან დაკავშირებით 2 სახელმწიფო ინსტიტუციის წარმომადგენელი პრეზიდენტი და პრემიერი დაობდეს თვითმფრინავში ვინ ჩაჯდება და ვინ წავა შეხვედრაზე. არსებობს ამ ქვეყანში კონსტიტუცია და კანონმდებლობა, ეს კომპეტენცია გამიჯნულია, ქვეყნის ხელმძღვანელი არის პრეზიდენტი, ის წარმოადგენს ქვეყანას საგარეო ურთიერთობებს და შესაბამისად ყველა ასეთი მაღალი რანგის საერთაშორისო ფორუმზე ქვეყნის პირველი პირი უნდა წარმოადგენდეს ქვეყანას“,- განაცხადა ლევან ბეჟაშვილმა.