გარკვეული დისკომფორტი არის, როდესაც ქუჩაში გაჩერებენ და გამოწმებენ

გარკვეული დისკომფორტი არის, როდესაც ქუჩაში გაჩერებენ და გამოწმებენ - ბესელია

პოლიტიკა - 20:45, 08 Sep, 2014

2015

პარლამენტის ადამიანის უფლებათა დაცვის კომიტეტის თავმჯდომარე ეკა ბესელია ე.წ. რეიდების საკითხს გამოეხმაურა.

მისი თქმით, რეიდები საზოგადოების უსაფრთხოებისთვის კეთდება.

ბესელიას ამბობს, რომ აღნიშნულ საკითხთან დაკავშირებით შინაგან საქმეთა სამინისტროს ხელმძღვანელობასაც ესაუბრა. ამასთან, მისივე თქმით, შემოწმება დროებით ხასიათს ატარებს და ის მუდმივად ვერ გაგრძელდება.

“მე სულ ცოტა ხნის წინ მქონდა საუბარი შს სამინისტროს ხელმძღვანელებთან ამ საკითხზე, ბუნებრივია, აქ ყველაზე მნიშვნელოვანია მთავარი უფლების და ბალანსის დაცვა, ერთის მხრივ ეს არის საზოგადოების უსაფრთხოების დაცვა და მეორეს მხრივ ეს არის ჩვენი მოქალაქეების კონსტიტუციური უფლებების დაცვა, რომლის ხარჯზე ბუნებრივია, არ უნდა მოხდეს არცერთი ღონისძიების გატარება. არცერთი ფაქტი არ დარჩება რეაგირების მიღმა. იმიტომ, რომ საზოგადოების განცდა, ჰქონდეს მას უსაფრთხოების შეგრძნება და მეორეს მხრივ პრევენციული ღონისძიებები, უნდა განხორციელდეს კანონის სრული დაცვით და ემსახურება ერთ მიზანს, რომ საზოგადოება დაცულად გრძნობდეს თავს და ამ ყველაფერს დავაკვირდებოდი იმ წერილის ჭრილში, რომელიც გამოქვეყნდა უგულავას მიერ, სადაც განსაკუთრებით საინტერესო იყო ის აქცენტები, რომელიც კეთდება, როგორ უნდა მოხდეს ხელოვნურად სიტუაციის ესკალაცია და პროვოკაციული ფონის შექმნა. რა თქმა უნდა, გარკვეული დისკომფორტი არის, როდესაც ქუჩაში გაჩერებენ და გამოწმებენ, ბუნებრივია, ეს ვერ გაგრძელდება მუდმივად, ეს არის დროებითი ღონისძიება. სადაც მოხდა გადაცდომები, უნდა მოხდეს ამ საქმის შესწავლა და რეაგირებაც მოხდება”, - აღნიშნა ეკა ბესელიამ.