აჭარის ავტონომიური რესპუბლიკის თავმჯდომარე, არჩილ ხაბაძე მისი მისამართით უნდობლობის შესაძლო გამოცხადებას ეხმაურება..

„მივიღე წერილობით მომართვა დაბარებასთან დაკავშირებით, პროცედურები ჯერ ბოლომდე გავლილი არ არის, ფრაქციას დღეს უნდა ჰქონდეს შეკრება, ალბათ განცხადებებსაც გააკეთებენ, ალბათ წამოვა ახალი, ე.წ. „ბრალეულოები“. ჩვენ მოვემზადებით ამისთვის, მთავრობა მზადაა მათ გასცეს არგუმენიტრებული პასუხი“, - განაცხადა ხაბაძემ.

არაეფექტური საკადრო პოლიტიკა, ბიუჯეტის ხარჯვითი ნაწილის შეუსრულებობა, კორუფციული გარიგებები, ეს არის იმ მძიმე ბრალდებათა ნაწილი რომელიც აჭარის მთავრობის თავმჯდომარის არჩილ ხაბაძის წინააღმდეგ დღეს უმაღლესი საბჭოს ფრაქცია „ქართული ოცნების“ წევრებმა გააჟღერეს. ისინი ამტკიცებენ, რომ ხაბაძის იმპიჩმენტის დასაწყებად საკმარისი არგუმენტები გააჩნიათ. სწორედ იმპიჩმენტზე სამსჯელოდ შეიკრიბა ფრაქცია დახურულ სხოდმაზე, სხდომის დასრულების შემდეგ ფრაქციის თავმჯომარემ განაცხადა, რომ მათი სრული შემდგენლობა, ანუ შვიდივე დეპუტატი მზად არის მხარი დაუჭიროს პროცესის დაწყებას. ინიციატივის წარსადგენად უმაღლეს საბჭოში, სწორედ 7 დეპუტატის ხელომწერაა საჭირო.