შინაგან საქმეთა მინისტრის მოადგილე ლევან იზორია არარელურს უწოდებს ინფორმაციას იმის თაობაზე, რომ შესაძლოა შსს-ს უშიშროების სამსახური გამოეყოს. მისი თქმით, აღნიშნულ საკითხზე საუბარი არ მიმდინარეობს.

"ამაზე საუბარი არ მიმდინარეობს, შესაბამისად ეს ინფორმაცია არარეალურია. საკონსტიტუციო კომისიას აქვს დიდი დრო მუშაობისთვის, თუ ამ ეტაპზე დაიწყო მსჯელობა, დისკუსია, არ ნიშნავს, რომ ამავე ეტაპზე მოხდეს გადაწყვეტილების მიღება“, - განაცხადა ლევან იზორიამ.

საპარლამენტო უმრავლესობის წევრი ირაკლი სესიაშვილი შსს-ს ორად გაყოფას არ გამორიცხავს. მისი თქმით, საკითხი მსჯელობის საგანს ჯერჯერობით არ წარმოადგენს, მაგრამ არსებული რთული სისტემის პირობებში არ არის გამორიცხული სამომავლოდ დღის წესრიგში მისი რეფორმირების საკითხი დადგეს.