საქართველოს ლეიბორისტული პარტიის თავმჯდომარის შალვა ნათელაშვილის განცხადებით , სააკაშვილს ხელშეუხებლობის გარანტია ბიძინა ივანიშვილმა მისცა, როცა 2012 წლის ოქტომბრის შემდეგ მისი იმპიჩმენტის პროცედურა არ დაიწყო.

ნათელაშვილის თქმით, როცა სააკაშვილი უკვე წავიდა, მერე დაიწყეს საქმეების აღძვრა.

„ ეს ჰგავს ჩხუბის მერე მუშტების ქნევას, რაც სასაცილოა, სატირალი რომ არ იყოს. ახლა გაიძახიან -სააკაშვილის დაჭერა გვინდა, მაგრამ უცხოეთის სახელმწიფოები, მიშას ექსტრადიციაზე უარს გვეუბნებიანო! არ იცოდნენ მიშას რომ არ გადმოსცემდნენ? ეს კამპანია ემსახურება ორ რამეს პირველ რიგში, ხალხთან უნდათ თავის მართლება „აი, ჩვენ რა ვქნათ, არ გვაძლევენ დასასჯელადო“ , მეორე- სააკაშვილი მოუსვენარი ხასიათი ყველამ კარგად იცის და მიშა ბიძინას სადმე რომ არ დაადგეს თავზე დილის ხაშივით, მასზე საქმის აღძვრა და შიდა ძებნის დაწესება ივანიშვილს იმის გარანტიას აძლევს, რომ ქვეყანაში ვერ შემოვა, აი, ეგ არის სულყველაფერი.“- აცხადებს „ლეიბორისტების“ თავმჯდომარე.

წყარო: ასავალ-დასავალი