ჩუმი სიკვდილით გარდაიცვალა მცნება ასპირანტი ქვეყანა საქართველო

ჩუმი სიკვდილით გარდაიცვალა მცნება ასპირანტი ქვეყანა საქართველო - გრიგოლ ვაშაძე

პოლიტიკა - 22:00, 07 Sep, 2014

3542

მოხდა ის, რომ ჩუმი სიკვდილით გარდაიცვალა ისეთი მცნება, როგორიც არის ასპირანტი ქვეყნა, რომელიც საქართველო იყო, - ამის შესახებ საგარეო საქმეთა ყოფილმა მინისტრმა გრიგოლ ვაშაძემ გადაცემა ,,პოსტსკრიპტუმში“ ნატოს უელსის სამიტის შეფასებისას განაცხადა.

დიპლომატმა საქართველოსთან მიმართებში დადებით და უარჰყოფით მხარეებზე გაამახვილა ყურადღება.

,,ის პაკეტი, რაც საქართველომ მიიღო, რა თქმა უნდა პროგრესია. სამიტმა საქართველოს თემის გარეშე არ ჩაიარა, ეს მიღწევაა და ამის არდაფასება არ შეიძლება, მაგრამ მეორეს მხირვ საქართველოს ყველა მოქალაქეს აქვს კონსტიტუციური ვალდებულება ნაკლოვანებებზეც ილაპარაკოს. ამ თვალსაზრისით, რა თქმა უნდა, არის შემაშფოთებელი ფაქტებიც, კერძოდ ის რომ გაჩნდა ტერმინი გამარჯვება, უზარმაზარი მიღწევა... უზარმაზარი მიღწევა ეს წევრობაა, ხოლო ყველა დანარჩენი - ნაბი-ნაბიჯ მიღწეული პროგრესი. აუცილებლად უნდა ვილაპარაკოთ იმაზე, რომ მოხდა რუსეთის საქართველოში და რუსეთის უკრაინაში აგრესიების განცალკევება. მოხდა ის, რომ ჩუმი სიკვდილით გარდაიცვალა ისეთი მცნება, როგორიც არის ასპირანტი ქვეყნა, რომელიც საქართველო იყო იმ ბალკანური ქვეყნების რიგში რომელთაც უკვე აქვთ მაპი“, - აცხადებს გრიგოლ ვაშაძე, რომელიც აქვე პასუხობს საგარეო უწყების განცხადებას, რომ დოკუმენტში ასპირანტი არ წერია, მაგრამ საქართველომ მიიღო მონაწილეობა ასპირანტი ქვეყნების საგარეო მინისტრების შეხვედრაში: ,,რაც არ არის ჩაწერილი საერთაშორისო სამართლებრივ დოკუმენტში, ის არ არსებობს“, - დასძენს ყოფილი მინისტრი.

,,რააც შეეხება ის ავადასახსენებელი 31 პუნქტი, რომელიც სრულიად გაუგებარი არის ჩვენს ოკუპირებულ ტერიტორიებზე, ძალიან ორაზროვანია, რომელიც სამწუხაროდ ექვემდებარება ინტერპრეტაციებს და საერთოდ იქმნება შთაბეჭდილება, რომ ფინალური დეკლარაციის შემუშავებაში, ფორმულირებების შექმნასა და დახვეწაში, საქართველოს მონაწილეობა არ მიუღია, რადგან ამის თავიდან აცილება შეიძლებოდა. შეეძლო ნატოს მაპის მოცემა? რა თქმა უნდა შეეძლო, რადგან საქართველო სხვა ქვეყნებისგან განსხვავებით, თავდაცვის ბიუჯეტით, იმ კონტრიბუციის თვალსაზრისით, რაც ჩვენ შეგვაქვს მსოფლიო უსაფრთხოებაში, დემოკრატიული ინსტიტუტების განვითარებაში, ჩვენ სულ ხვა ლიგაში ვიმყოფებით. მაგრამ მეორეს მხრივ, ჩვენ სამი შესაძლბელობების ფანჯარა გამოვტოვეთ - პირველი, როცა 2012 წელს ჩატარდა დემოკრატიული არჩევნები და ხელისუფლება მშვიდობიანად შეიცვალა, შემდეგ როცა იგივე მოხდა პრეზიდენტის არჩევნების დროს და მესამე, როცა 2014 წელს დაიწყო რუსეთის შეუნიღბავი სამხედრო-ტერორისტული აგრესია უკრაინაში“, - განაცხადა გრიგოლ ვაშაძემ.