საპარლამენტო უმრავლესობის წევრმა ირაკლი სესიაშვილმა „იმედის“ეთერში უელსის სამიტი შეაფასა.

„ვულოცავ საქართველოს უელსის სამიტის შედეგად წარმატებულ შედგებს. ხვალიდან ჩვენ ვდგამთ ნაბიჯებს, რომელიც მიმართული იქნება საქართველოს ნატოში წევრობისკენ და არაუბრალოდ ძლიერი პარტნიორობისკენ. ჩვენ ამ სამიტიდან წამოვიღეთ ძალიან სერიოზული მხარდაჭერა, აღიარება ქვეყნის წარმატებებისა, ასევე, ჩვენ მივიღეთ გაძლიერებული თანამშრომლობის პაკეტი, რაც გულისხმობს პრაქტიკულ ნაბიჯებს ნატოში გაწევრიანებისათვის. ნატომ აღიარა, რომ საქართველო მოთავსდება ყველაზე თავსებად ქვეყანათა სიაში და ეს შედგება 5 ქვეყნისგან, რაც პირდაპირ მიანიშნებს, რომ საქართველო თავისი სტანდარტებით უფრო მეტად აკმაყოფილებს შესაბამის სტანდარტებს ვიდრე მაპის მქონე 3 ქვეყანა და იმ პუნქტების განხორციელებით, რომელიც ამ ეტაპამდე საიდუმლო დოკუმენტია და ძალიან ფართო სპექტრს ღონისძიებების, რომელთა უმრავლესობა სწორედ ნატოს ვალდებულება იქნება. ეს იქნება ჩვენი ქვეყნისთვის, პირადაპირი მნიშვნელობით მხარდაჭერა, ჩვენი ქვეყნისთვის თავდაცვისუნარიანობის გასაძიელრებლად. ყველა ის ეტაპი, რომელიც მაპის პირობებში უნდა გაგვევლო, ჩვენ გავივლით ამ ფორმატში და იმ პოლიტიკური გადაწყვეტილებისთვის, რომელიც იქნება განსაზღვრული ჩვენი ქვეყნის ნატოში გაწევრიანებისთვის იმ მომენტისთვის ჩვენ ყველა პრაქტიკული ნაბიჯი შესრულებული გვექნება“,- განაცხადა სესიაშვილმა.

მისივე თქმით, „ნაციონალურ მოძრაობას“ არ ეყო ვაჟკაცობა, რომ ქვეყნის წარმატება ეღიარებინა.

„მათ გონიათ, რომ ქვეყნის წარმატება მათთვის პოლიტკურად საზიანოა, დღეს ცდილობენ, რომ რაღაცეები გამოჩხრიკონ. მათ არ ეყოთ ვაჟკაცობა, რომ ესაუბრათ ამ წარმატებაზე, რომელიც ქვენისთვის არის ძალიან მნიშვნელოვანი. ამ ჩანაწერის 31-ე პუნქტის წაკითხვა კი ორაზროვნად არ შიეძლება. ჯეიმს აპატურაიმ მკაფიოდ და ნათლად ახსნა, რომ აქ საუბარია მოქალაქეებზე, აქ საუბარია იმ შეშფოთებაზე რომ ალიანსის წევრობით ვერ ისარგებლებენ ის მოქალაქეები, რომლებიც ამ ეტაპზე ან გაწევრიანების იმ მომენტისთვის შესაძლოა იყვნენ კონფლიქტის რეგიონებში და მეტიც ეს არის გზავნილი კრემლისთვის, რომ მიუხედვად იმისა, რომ კრემლი ფიქრობს - ოკუპირებული ტერიოტირების პირობებში საქართველოვერ გახდება ნატოს წევრი. ეს გზავნილი არის პირადპირი ამის განმმარტავი, რომ მიუხედვად ოკუპაციისა, მიუხედვად ტერიოტირული მთლიანობის დარღვევისა საქართველო თუ შეასრულებს ამ ვალდებულებას და გაივლის ამ ეტაპებს, რაც განსაზღვრულია ნატოს შესაბამისი წესებით, საქართვლო გახდება ნატოს წევრი. უბრალოდ ეს შეშფოთება იმას უსვამს ხაზს, რომ ის მოქალაქეები და არა სახელმწიფოს, მოქალაქეები ვერ ისარგებლებენ იმ სიკეთეებით რასაც მოუტანს ნატო საქართველოს“,- განაცხადა ირაკლი სესიაშვილმა.