პარტია „ერთიან ნაციონალურ მოძრაობაში“ აცხადებენ, რომ უელსის სამიტი საქართველოსთვის წარუმატებელი იყო. პარტიაში აცხადებენ, რომ ქვეყანას შეეძლო გაცილებით მეტის მიღება ვიდრე რეალურად მიიღო.

„ნაციონალური მოძრობაში“ ხელისუფლებას აკრიტიკებენ იმის გამო, რომ არ მიმდინარეობდა უელსის სამიტამდე აქტიური მუშაობა პარტნიორებთან. ასევე კომუნიკეში გაჩნდა ჩანაწერი სადაც საუბარია, რომ კონფლიქტის არსებობა განსაკუთრებული შეშფოთების საგანს წარმოადგენს, სადაც „ნაციონალური მოძრაობის“ წევრის გიორგი კანდელაკის განცხადებით, შესაძელებლია გავიგოთ როგორც წინაპირობა ქვეყნის ნატოში გაწევრიანების რაც ძალიან ცუდია, ვინადან მსგავსი ჩანაწერი აქამდე ნატოს მიერ შემუშავებულ არც ერთ დოკუმენტში არ ყოფილა.

საუბრია, კიდევ ერთ კონტექსტზე რაზეც „ნაციონალური მოძრაობაში“ ამახვილებენ ყურადღებას - დოკუმენტში აღნიშნულია ის, რომ ბევრი ქვეყანა იღებდა ავღანეთში სამშვიდობო მისიაში მონაწილეობას, მათ შორის შვედეთი, საქართველო და ასევე ახალი ზელანდია, ავსტალია, ზელანდია ტონგა და სამხრეთ კორეა.

გიორგი კანდელაკი მიიჩნევს, რომ ამ ქვეყნებთან ერთიან კონტექსტში საქართველოს მოხსენიება ცუდია, ვინაიდან არც ერთი მათგანი ნატოს წევრობისკენ არ მიისწრაფვის.

„როცა მიეცა პრემიერს საშუალება, რომ ჩასულიყო ბერლინში და შეხვედროდა გერმანიის კანცლერს, მისი მთავარი სათქმელი ის იყო, რომ რუსეთთან ყველაფერი კარგად არის და აქტუალიზება მაპის თემისა არ მომხდარა. მაპის თემის დღის წესრიგიდან ფაქტობრივად მოხსნა არის, მათ შორის „ოცნების“ ძალიან ცუდი მუშაობის შედეგი, ამავე დროს გაჩნდა ფორმულირება სამიტის კომუნიკეში, რომელიც შეიძლება გავიგოთ ნაწილობრივ მაინც რომ კონფლიქტების მოგვარება წარმოადგენს გაწევრიანების წინაპირობას, თუნდაც ნაწილობრივ, რაც არის მე ვიტყოდი ქართული დიპლომატიის მარცხი, იმიტომ რომ ნატოს პრინციპული პოზიცია იყო აქამდე სწორედ ამის საპირისპირო, რომ ვერ იქნება განხილული კონფლიქტები როგორც ნატოში გაწევრინების წინაპირობა“,- განაცხადა გიორგი კანდელაკმა.