„ნატო-ს უელსის სამიტის დეკლარაციაში აღნიშნულია, რომ საქართველოსთვის მინიჭებული პაკეტი საკმარისი იარაღია იმისათის, რომ საქართველო გახდეს ნატო-ს წევრი“, - ამის შესახებ საგარეო საქმეთა მინისტრმა მაია ფანჯიკიძემ განაცხადა.

„საქართველო უფრო დაუახლოვდა ალიანსს და მისი საბოლოო მიზანი წევრობაა, იმისათვის, რომ ეს განხორცილდეს, საქართველოს ორ არსებულ ინსტრუმენტთან ერთად (ნატო-საქართველოსკომისია და წლიური ეროვნული პროგრამა) მიენიჭა მესამე - გაძლიერებული არსებითი ღონისძიებების პაკეტი, რომელმაც მთლიანობაში საქართველო ნატო-ს წევრობისთვის უნდა მოამზადოს. მნიშვნელოვანია, რომ დეკლარაციაში აღნიშნულია, რომ ეს არის საკმარისი იარაღი იმისათის, რომ საქართველო გახდეს ნატო-ს წევრი. გარდა ამისა, ძალიან მნიშვნელოვანია ის, რომ საქართველოს მიძღვნილი აქვს მთელი 2 პარაგრაფი. გარდა ამისა, ბევრჯერ არის ნახსენები დეკლარაციაში. საქართველო, როგორც ერთადერთი ქვეყანა, მიწვეული იყო ამ სამიტზე ყველა ფორმატზე, რომელიც იყო პარტნიორი ქვეყნებისთვის. ეს იყო 28+4 საგარეო საქმეთა მინისტრების დონეზე შეხვედრა და ეს იყო 28+5 თავდაცვის მინისტრების დონეზე შეხვედრა, რომელიც ნატო-ს ყველაზე თავსებად ქვეყნებთან შეხვედრას ნიშნავს. ISAF-ის შეხვედრაში პრეზიდენტი მონაწილეობდა“,- განაცხადა მაია ფანჯკიძემ.