„დაუთოებული ბავშვის ხელებს სტატისტიკური ციფრებით ვერ გადაფარავ“- შაშკინი

პოლიტიკა - 20:01, 05 Sep, 2014

1824

„დაუთოებული ბავშვის ხელებს სტატისტიკური ციფრებით ვერ გადაფარავ“- ამის შესახებ დიმიტრი შაშკინმა საქართველოში კრინიმოგენული სიტუაციის და ამის შესახებ შსს-ს გამოქვეყნებული სტატისტიკის შეფასებისას განაცხადა.

„როდესაც მკვლელობებს უპირისპირებ ციფრებს და სტატისტიკას ეს ადამიანებთან კომუნიკაციის ყველა კანონის დარღვევაა. ის რომ პრობლემა გვაქვს საქართველოში ამას ხედავს ბავშვიც. საუბარი იმაზე, რომ პრობლემა არა გვაქვს, პრობლემას არ მოაგვარებს. ტარდება საზოგადოებრივი აზრის გამოკითხვები, რომელიც ადასტურებს, რომ ხალხი არის შეწუხებული. დაუთოებული ბავშვის ხელებს სტატისტიკური ციფრებით ვერ გადაფარავ. მითუმეტეს კარგად ვიცით, როგორ შეიძლება ციფრებით მანიპულირება. შინაგან საქმეთა სამინისტრო მუშაობს, თუ არ მუშაობს, ფაქტია, რომ მკვლელობები ხდება და ისეთი დანაშაულებები ხდება, რომელიც ჩვენ რევოლუციის მერე არც გვახსოვდა, ახლა ეს ყველაფერი დაბრუნდა.

შაშკინმა ბიძინა ივანიშვილის პრემიერობის დროინდელი განცხადებაც გაიხსენა : „მე არ მესმის ხელისუფლების რეაქცია ამ ფაქტებთან დაკავშირებით, რადგან თავად ივანიშვილიც ხელისუფლების დასაწყისში ამბობდა რომ დანაშაული მოიმატებს. ახლა მრგვალი თვალების გაკეთება და საუბარი, რომ არა, არ მოიმატა, არის მიამიტობა, როგორც მინიმუმ ან მავნებლობა. როდესაც ამნისტია ხორციელდებოდა პრემიერ-მინისტრმა ივანიშვილმა თქვა , დანაშაული მოიმატებს და გაგებით უნდა მოვეკიდოთ. ადამიანი რომელიც გამოვიდა ციხიდან გარკვეული პერიოდის მერე დაუბრუნდა თავის ჩვეულ საქმიანობას, ადამიანი რომელიც მთელი ცხოვრება ქურდობდა, კლავდა და აუთოვებდა, ხვალ ინჟინერი ვერ გახდება. 9 წლის განმავლობაში ეს ადამიანები იყვნე დამსახურებულ „კურორტზე“ ციხეში.

ფაქტია რომ პრობლემები გვაქვს და მნიშვნელოვანია , რომ მთავრობამ ამ პრობლემებს შეხედოს არა პოლიტიკურად და პიარულად , არამედ ფხიზლად.“ აცხადებს დიმიტრი შაშკინი

შაშკინის თქმით - „ქვეყანაში კანონი უნდა კანონობდეს, როდესაც რაღაც პოლიტიკური მიზეზის გამო კანონი ირღვევა ეს არის სიგნალი სხვა ადამიანებისთვის რომ ამის გაკეთება მეც შემიძლია, მაგალითად როდესაც მე გადავდივარ საზღვარზე ერთი საათი უნდა ველოდო რომ თანხმობა მომცენ, როდესაც ამას დანარჩენი თანამშრომლები ხედავენ რომ კონკრეტულად ამის შემთხვევაში შეიოძლება კანონის დარღვევა და ეს „მოსული პონტია“ სხვა შემთხვევაშიც დაუშვებენ იგივეს. როცა „მოსული პონტია“ წახვიდე და ცემო ადამიანი მაგალითად წიკლაური, რატომ არ შეიძლება ცემო ვიღაცა პეტრე. ის ფიქრობს რომ ვიღაცას ეს ცემა შერჩა. ესეთი ტალღით და თოვლის გუნდის პრინციპით იქმნება გართულებული სიტუაცია.“