„მხოლოდ ძლიერ ნატო-ს შეუძლია გააჩეროს პუტინი და მხოლოდ ამერიკას შესწევს ძალა ერთგუნდად შეკრას ნატო“, - გავლენიანი გამომცემლობა „Foreign Policy“ ნატოს 2014 წლის უელსის სამიტზე წერს და სტატიას მადლენ ოლბრაიტის სიტყვებით იწყებს.

შტატების ყოფილი სახელმწიფო მდივნის აზრით უელსის სამიტზე ლიდერებს რუსეთისთვის რამდენიმე მნიშვნელოვანი სიგნალის გაგზავნის შესაძლებლობა აქვთ. მნიშვნელოვან გზავნილებს კი რუსეთის აგრესიის შეჩერება შეუძლიათ.

„სამწუხაროდ, პრეზიდენტმა ვლადიმერ პუტინმა არასწორი გზა აირჩია. როცა ნატო-ს სამიტის უელსში ჩატარების შესახებ გავრცელდა ინფორმაცია 2013 წლის 15 ნოემბერს, ეს ნიშნავადა იმას, რომ ფოკუსირება მოეხდინათ ავღანეთზე, 21 საუკუნის ტექნიკურ შესაძლებლობებსა და ალიანსის მოდერნიზებაზე. ვინ იფიქრებდა იმას, რომ სამიტზე ძირითადი განსახილველი თემა, უკრაინაში რუსული აგრესია იქნებოდა? საკითხავი ის არის, როგორ მოახერხებს მსოფლიო ისტორიაში ყველაზე ძლიერი ალიანსი, სათანადოდ უპასუხოს საერთაშორისო ნორმებისა და პრინციპების დარღვევას, ევროპის ქვეყანაში მეორე მსოფლიო ომის შემდეგ პირველად გამოვლენილ ფართომასშტაბიან აგრესიას“, - წერს სტატიის ავტორი.