ვიცე-პრემიერი კახი კალაძე პრემიერის ინიციატივას ეთანხმება და აცხადებს, რომ იარაღის ტარების შესახებ კანონი უნდა გამკაცრდეს. ამის შესაებ კალაძემ მთავრობის სხდომის დასრულების შემდეგ განაცხადა.

„მნიშვნელოვანია გამკაცრდეს იარაღის შენახვა-ტარების შესახებ კანონი. ბევრია შემთხვევა, როდესაც ხდება ადამიანების დაკავება, რომლებიც გადაადგილდებიან იარაღით და ხდება შემდეგ ამ ადამიანების გამოშვება და მათთან საპროცესო შეთანხმების გაფორმება. ამიტომ ამ მიმართულებით კანონი უნდა გამკაცრდეს“, - განაცხადა კალაძემ.

საქართველოს პრემიერ-მინისტრმა შინაგან საქმეთა და იუსტიციის მინისტრებს იარაღის ტარების შესახებ კანონის გამკაცრების მიზნით საკანონმდებლო ცვლილებების შემუშავებისკენ მოუწოდა, - შესაბამისი დავალება ირაკლი ღარიბაშვილმა ალექსანდრე ჭიკაიძეს და თეა წულუკიანს მთავრობის დღევანდელ სხდომაზე მისცა.