,,კაზანტიპი მდარე ხარისხის ფესტივალია, რომელმაც საქართველოში არ გაამართლა“- გიორგი კვირიკაშვილი

პოლიტიკა - 14:16, 05 Sep, 2014

2218

,,მდარე ხარისხის ფესტივალი“ და მის მიმართ ,,გაზვიადებული მოლოდინები“, - ასე შეაფასა ეკონომიკის განვითარების მინისტრმა და ვიცე-პრემიერმა გიორგი კვირიკაშვილმა ,,კაზანტიპის“ ფესტივალი. მინისტრის თქმით, სახელმწიფოს შეუძლია სხვა გზებით წაახალისოს ზღვისპირეთის ტურიზმი და სხვანაირად დაეხმაროს იმ ადამიანებს, ვისაც აქვთ სურვილი, რომ ამაში იყვნენ ჩართულნი, ,,თუმცა დაბრალება ეკონომიკის სამინისტროზე, რომ ვინმესთვის ხელი შეგვეშალა, არ ყოფილა”, - დასძინა მინისტრმა.

"ვერ გეტყვით, ეს ფესტივალი გაგრძელდება თუ არა. გეტყვით, რომ მოლოდინები იყო გაზვიადებული, რაც არასწორი იყო ცალკეული პირების მხრიდან. ვფიქრობ, რომ ჩვენ ძალიან ბევრი შესაძლებლობა გვაქვს, რათა ანაკლიის განვითარება მოვახდინოთ და იქ ჩავატაროთ გაცილებით ხარისხიანი ფესტივალი. ამ ფესტივალს განსაკუთრებული როლი არ უნდა მივანიჭოთ. რა თქმა უნდა, ეს არის გემოვნების საკითხი, თუმცა პირადად მე ვფიქრობ, რომ ეს არ არის მაღალი ხარისხის ფესტივალი. " კაზანტიპი" არის ძალიან მდარე ხარისხის ფესტივალი, რომელმაც არ გაამართლა. ადგილობრივ კულტურაში ფეხი ვერ მოიკიდა. ამით ჩვენ არც ურჩხული გაგვიკეთებია და არც გვითქვამს, რომ ფესტივალით აშენდებოდა ქვეყანა", - განაცხადა გიორგი კვირიკაშვილმა და დასძინა, რომ ,,უკეთესი იქნებოდა სხვა გათვლები გაეკეთებინათ“.