საქართველოს პრეზიდენტს გიორგი მარგველაშვილს დღეს უელსის სამიტის ფარგლებში ორმხრივი შეხვედრები აქვს დაგეგმილი.

გიორგი მარგველაშვილი მოლაპარაკებას გამართავს საფრანგეთის პირველ პირთან ფრანსუა ოლანდთან, ასევე ბულგარეთისა და ლატვიის პრეზიდენტებთან, ამასთანავე, ორმხრივი შეხვედრები ექნებათ მინისტრებს.

„საქართველოს გადაეცემა სპეციალური პაკეტი, რომელიც მას ხელს შეუწყობს თავდაცვის შესაძლებლობების გაძლიერებაში და ამავდროულად გააძლიერებს მის მზადებას ნატო-ში ინტეგრაციისათვის, რა თქმა უნდა ჩვენთვის ძალიან მნიშვნელოვანია კომუნიკე და ის შეხვედრები, როემლიც პრეზიდენტს აქვს დაგეგმილი, მათ შორის ემსახურება იმას, რომ იქ ზუსტად ისე აისახოს ჩევნი ამოცანები, მიზნები, შეფასბეები და პერსპექტივები, როგორც გვსურს“, - განაცხადა საქართველოს პრეზიდენტის მრჩეველმა საგარეო ურთიერთობათა საკითხებში თენგიზ ფხალაძემ.

დღის მეორე ნახევარში გიორგი მარგველაშვილი მედიას შეხვდება, იგი ინტერვიუს მისცემს რამდენიმე ტელეკომპანიას. უელსის დროით ექვს საათზე კი გიორგი მარგველაშვილი გაფართოებულ პრესკონფერენციას გამართავს.