მანანა კობახიძე ხელს შეწყალების კომისიისკენ იშვერს

მანანა კობახიძე ხელს შეწყალების კომისიისკენ იშვერს - ურთიერთბრალდებები ამნისტიაზე

პოლიტიკა - 21:18, 04 Sep, 2014

3923

ლევან თალაკვაძის მკვლელობაში ბრალდებულმა გიორგი ოქროპირიძემ ციხე 2014 წელს, სააღდგომოდ ვადაზე ადრე დატოვა, ცნობილია, რომ წერილით ვადაზე ადრე გათავისუფლების მოთხოვნით მანანა კობახიძემ მიმართა:

„მე ეს განცხადებები გადავაგზავნე ე.წ. უდოს კომისიაში, შეწყალების კომისიაში, სწორედ იმ თხოვნით, რომ კანონის შესაბამისად, როგორც კანონით არის გათვალისწინებული, შეესწავლათ განცხადებაში მოყვანილი ფაქტები, შეესწავლათ საქმე და მიეღოთ კანონით გათვალისწინებული ზომა, ის, რომ მკვლელობისთვის იყო გასამართლებული, მე ეს ინფორმაცია მქონდა, მაგრამ მე ის ინფორმაციაც მქონდა, რომ წამების მსხვერპლი იყო“, - განაცხადა მანანა კობახიძემ.

ალეკო ელისაშვილი, რომელიც იმ პერიოდში შეწყალების კომისიის თავმჯდომარე იყო, აცხადებს, რომ მასალები შესწავლის შემდეგ, მას გათავისუფლებაზე უარი უთხრა, ,,ერთხელ შეწყალების კომისიამ მას სასჯელი გაუნახევრა, მაგრამ არ გაათავისუფლა, ამის შემდეგ მეორედ იყო მომართვა გათავისუფლების შემდეგ და აღდგომის კომისიაზე, შეწყალების კომისიამ ასევე უარი უთხრა გათავისუფლებაზე“, - აცხადებს ალეკო ელისაშვილი.

თუმცა იუსტიციის სამინისტრო კი ამტიკცებს, რომ მათი ინფრომაციით პატიმარი სწორედ შეწყალების კომისიამ გამოუშვა. გავრცელბული ინფორმაციით ბრალდებულის საქმე სტრასბურგსაც ჰქონდა გადაცემული, სადაც ის არაადამაინური მოპყრობის ფაქტზე საქართველოს უჩიოდა. ინფორმაციით თანახმად, მის საქმეს იუსტიციის მინისტრი თეა წულუკიანი უძღვებოდა: იხ. ,,ნიუპოსტის“ ექსკლუზიური მასალა.