ვთქვათ გადააყენეს ჭიკაიძე და მის ნაცვლად დანიშნეს ვინმე შიკაიძე. რამე შეიცვლება?

ვთქვათ გადააყენეს ჭიკაიძე და მის ნაცვლად დანიშნეს ვინმე შიკაიძე. რამე შეიცვლება? - გიორგი კავკასიძე

სოც.მედია - 20:07, 04 Sep, 2014

3495

უცხოეთში მცხოვრები პროფესორი გიორგი კავკასიძე საქართველოში ბოლო დღეეში შექმნილ მძმიე კრიმინოგენულ ვითარებას ეხმაურება.

,,სულ უფრო და უფრო პოპულარული ხდება შსს მინისტრის – ჭიკაიძის გადადგომის მოთხოვნა.

ვთქვათ გადააყენეს ჭიკაიძე და მის ნაცვლად დანიშნეს ვინმე შიკაიძე. რამე შეიცვლება? – არა, რადგან ახალი მინისტრიც იგივე ხალხის (უფრო სწორედ ერთი მოქალაქის) დაქვემდებარებაში იქნება, ვის ბრძანებებსაც ჭიკაიძე ასრულებდა.

25 აგვისტოს საფრანგეთში მინისტრთა კაბინეტი გადადგა, რადგან ამომრჩევლისთვის დაპირებული “გაჩერებული” ეკონომიკური ზრდა ვერ დასძრა ადგილიდან.

საქართველოს დღევანდელმა მთავრობამ, გარდა იმისა რომ 2013 წლის ბიუჯეტი ვერ შეასრულა და ვალების აღება მოუხდა, იგივეს იმეორებს 2014 წელსაც, პლუს ამას არც ერთი (!) დანაპირები არ შეუსრულებია ამომრჩევლისთვის. სამაგიეროდ დიდ წარმატებებს მიაღწია სხვა სფეროებში – სახელმწიფო პოლიტიკაში აიყვანა ნეპოტიზმი, ბლატი, ჩაწყობა, დააბრუნა წვრილი კორუფცია, ნელ-ნელა აბრუნებს “პარალელურ ეკონომიკას”, “შავ ბაზარს” და რაც ყველაზე მთავარია – დააბრუნა ნარკოტიკები, მძიმე კრიმინალი და “გაგება”. რასაც ლოგიკურად მოჰყვა მკველობები, ყაჩაღური თავდასხები, ხალხის წამება, ბავშვების “დაუთოება”, გატაცება და ა.შ.

არაფერს ვამბობ ჩავრდნილ საგარეო პოლიტიკაზე, დასავლეთის მოგერიებაზე, უკრაინის ოკუპაციის იგნორირებაზე (მგონი დღეს გააკეთებინეს განცხადება პრემიერ მინისტრში უელსში, იმედია დაუთოებული არ დაბრუნდება)

220 ლარამდე გაზრდილ პენსიებზე და ათასობით ახალ სამუშაო ადგილზე ლაპარაკიც არ ღირს, აზრი არ აქვს, ყველა ხვდება რომ ეს შეუსრულებელია.

ასე რომ თუ მოთხოვნა და პროტესტია, გლობალურად იფიქრეთ მეგობრებო“, - წერს გიორგი კავკასიძე.