შინაგან საქმეთა სამინისტროს, საზოგადოებასთან ურთიერთობის სამსახურის უფროსი, ნინო გიორგობიანი, ირაკლი ვაჭარაძისგან, დღეს გავრცელებული ინფორმაციის გამო ბოდიშის მოხდას მოითხოვს.

„ირაკლი ვაჭარაძესთან კომენტარს ვერ ვდებ! და აქ დავპოსტავ! რაზეც დღეს გავაკეთე კომენტარი, ბათუმში, ფაქტზე, რა იყო ტყუილი? იქნებ ამიხსნას ან ბოდიში მომიხადოს! დიახ ტყუილი იყო ის, რომ პირი, რომელმაც სცემა დაზარალებული, პოლიციელის შვილია! პოლიციამ ფაქტზე რეაგირება დაუყონებლივ მოახდინა, გოგონა ამ წუთებში იკითხება პოლიციაში და ექსპერტიზაზე გადაიყვანენ რამდენიმე წუთში!“, - წერს გიორგობიანი „ფეისბუქის“ გვერდზე.

დღეს "იდენტობის" ხელმძღვანელმა ირაკლი ვაჭარაძემ "ფეისბუქის" საკუთარ გვერდზე ბათუმში მომხდარი ინციდენტის შესახებ დაწერა. მისი ინფორმაციით, ადგილობრივი პოლიციელის შვილმა მეგობარი ტურისტი გოგონა სასტიკად სცემა.