მოკლულის მეგობრებში ამბობენ, მკვლელი ჭიკაიძის ნათესავიაო...

მოკლულის მეგობრებში ამბობენ, მკვლელი ჭიკაიძის ნათესავიაო... - ნათია ფანძჯიკიძე

სოც.მედია - 20:32, 03 Sep, 2014

15975

„გუშინ მოკლული ლაშა მახარაძის მკვლელს დემონსტრატიულად ხელს არ კიდებს პოლიცია, რამაც ამ ბიჭის მეგობრებში გამოწვია ხმები, ჭიკაიძის ნათესავიაო.. სამაგიეროდ, ამ საცოდავი ბიჭის ძმაკაცებს, როგორც მათმა მეგობარმა გოგომ მითხრა, "იპარავენ" პანაშვიდიდან, ვითომ დაკითხვის მიზნით და უკვე მესამე წაიყვანეს და აღარ უშვებენო, ასევე ამბობენ, ცემენო. რა ხდება? ამგვარი გაუგებრობა არავის არ შერჩება და კარგი იქნება, თუ მითქმა-მოთქმის საფუძველი არ იარსებებს. მე არ ვარ ჭორების გამავრცელებალი და არც ისე უბრალოდ პანიკის მთესველი. ადამიანს, რომელმაც ამ წამს ტირილით დამირეკა, ვენდობი და ის კატეგორიაა, რომელსაც ცხოვრებაში ტყუილი არ უთქვამს“, - წერს ნათია ფანჯიკიძე.

ფანჯიკიძე იმედოვნებს, რომ შს მინისტრი აღნიშნული საქმის დეტალებში ჩაიხედავს და „გამოფხიზლდება“.

„იმედია უსწრაფესად მიუტანენ ხმას ამ სტატუსის შესახებ მინისტრს და გამოფხიზლდება და ჩაიხედავს ამ საშინელი საქმის დეტალებში... მთავრობის უგულობა არ არის აქ მიზეზი, საერთოდაც მტერს არ ვუსურვებ შსს მინისტრობას, მთავარია, რომ აღიქვას, რომ ეს არ არის რიგითი და უბრალო კრიმინალი და ამას მოყვება მძიმე შედეგბი საზოგადოების მხრიდან. პირადად მე ბევრ ადამიანზე უფრო მშვიდად აღვიქვამ ბევრ პრობლემასს და რეალისტურად ვიგებ მათი გადაჭრის გაჭიანურების მიზეზებს, მაგრამ დედას რომ ერთადერთი ცოცხალი შვილიც უკვდება და მკვლელი ცნობილია და არ იჭერენ, ეს ჩემს ძალებს და ნერვული სისტემის მდგრადობას აღემატება სრულიად“, - წერს ფანჯიკიძე.