ქვეყანაში დამძიმებული კრიმინალური ვითარების შესახებ იმსჯელეს დღეს პარლამენტში. გართულებულ სიტუაციასთან დაკავშირებით კომენტარი საპარლამენტო უმცირესობის წევრმა გივი თარგამაძემ გააკეთა:

„ადიგენში საჯარო რეესტრის ხელმძღვანელმა „ვინჩესტერით“, თავში საკონტროლო გასროლებით მოკლა 22, 24 და 26 წლის ახალგაზრდები, კახეთში 84 წლის მამაკაცმა თოფით მოკლა 36 წლის ახალგზარდა, ბაკურიანში მამაკაცმა ქალბატონი მოკლა, თბილისში, ავლაბარში 20 წლის ადრე ნასამართლევმა ადამიანმა ყველასთვის საყვარელი ადამიანი, დიჯეი დანით მოკლა, ეს არის ერთადერთი რამის მაჩვენებელი, სამართალდამცავი სტრუქტურა უპრიანად ჩამოინგრა“, - განაცხადა თარგამაძემ.