საპარლამენტო უმცირესობის წევრი ჩიორა თაქთაქიშვილი სოციალური ქსელის მეშვებით წერს, რომ დავით უსუფაშვილმა დღეს ქვეყნის კონსტიტუცია სანაგვეზე მოისროლა.

„მან უკვე დახარჯა 27 მილიონი თბილისის შენობის გარემონტებაზე, იქ მოაწყო პარლამენტის ბიუროს, კომიტეტების, ფრაქციების და დეპუტატების ოთახები ზუსტად ისე, როგორც პარლამენტის ქუთაისში გადატანამდე იყო.

ოღონდ პროცედურული დემოკრატიის მამას გამორჩა ელემენტარული რამ, რომ ამ გადაწყვეტილებას სამართლებივი საფუძველი სჭირდებოდა, ჯერ კონსტიტუციაში და შემდეგ რეგლამენტში ცვლილების სახით.

ამ ეტაპზე პარლამენტის თავმჯდომარე არღვევს კონსტიტუციას, რადგან არცერთი ასეთი ცვლილება არ არსებობს ბუნებაში! მან პარლამენტის ადგილსამყოფლად თვითნებურად განსაზღვრა თბილისი და ქუთაისი. კონსტიტუცია კი ასეთ რამეს არ ცნობს და ცალსახად ამბობს, რომ პარლამენტის ადგილსამყოფელი არის მარტო ქალაქი ქუთაისი, განსხვავებით ძველი, 2009 წლის რედაქციისაგან, სადაც ეწერა, რომ პარლამენტის ადგილსამყოფელი იყო ორივე, ქუთაისიც და თბილისიც, ოღონდ იმ დათქმით, რომ პლენარული სხდომები აუცილებლად ქუთაისში უნდა ჩატარებულიყო.

გაგახსენებთ, რომ დაშინებების, დაკითხვაზე დაბარებების და პრივილეგიების შეთავაზების მიუხედავად, დავით უსუფაშვილმა ვერ უზრუნველყო კონსტიტუციური უმრავლესობის მოპოვება კონსტიტუციის ჩანაწერის შესაცვლელად. მაშინ მან თქვა, კონსტიტუციის ცვლილებით, თუ ცვლილების გარეშე, მაინც გადავალთ თბილისშიო!კონსტიტუცია მაინც ვერ შეცვალეს, აი, რეგლამენტში ცვლილება კი უპრობლემოდ შეეძლოთ მიეღოთ უბრალო უმრავლესობით. მაგრამ ასეთი ცვლილებაც კი არ არსებობს!!

თუ მიაჩნიათ, რომ კონსტიტუციას არ არღვევენ, რატომ არ შეაქვთ ასეთი ცვლილება რეგლამენტში? იმიტომ, რომ კარგად იციან, რომ არღვევენ კონსტიტუციას და ასეთ აქტი აუცილებლად არაკონსტიტუციურად იქნება ცნობილი!

აი, მერე კი ვიღაცას მოუწევს სისხლის სამართლის პასუხისმგებლობის საკუთარ თავზე აღება 27 მილიონის თვითნებურ და არამიზნობრივ ხარჯვაზე“,- წერს ჩიორა თაქთქიშვილი „ფეისბუქის“ საკუთარ გვერდზე.