"თქვე მანიაკებო, სულით მახინჯებო წაეთრიეთ, ეგდეთ ციხეში და თქვენი ბოღმა იმ ოთხ კედელში ანთხიეთ"

სოც.მედია - 12:21, 03 Sep, 2014

28294

მომღერალი ნინი ბადურაშვილი გუშინ მომხდარ ორ მკვლელობას სოციალური ქსელით ეხმაურება.
"ეს ქვეყანაა თუ ჯოჯოხეთი!? მერამდენე მკვლელობას უნდა ვიგებდე ამ ერთი კვირის განმავლობაში?! რით ვერ გამოვიდა ამათი ბნელი ტვინი 90-იანებიდან და რით ვერ დააყენეს ერთი ადგილი! თქვე მანიაკებო სულით მახინჯებო წაეთრიეთ და ეგდეთ ციხეში და თქვენი ბოღმა იმ ოთხ კედელში ანთხიეთ და ნუ გვიკლავთ ახლობლებს! მთავრობავ რას აკეთებ?! გონს მოეგე სანამ კიდევ გვიანი არაა!!!",- წერს ნინი ბადურაშვილი "ფეისბუქის" საკუთარ გვერდზე.

შეგახსენებთ, რომ გუშინ საღამოს ვაკეში, ბარნოვის ქუჩაზე მამაკაცი ჩაცხრილეს. ინფორმაციის თანახმად, გასროლა უცნობი ავტომანქანიდან მოხდა. 27 წლის ლაშა მახარაძე ამნისტირებული იყო. მას 16 წლით თავისუფლების აღკვეთა ჰქონდა მისჯილი. მახარაძე მკვლელობის მცდელობაში ბრალდებული იყო და სასჯელს სისხლის სამართლის კოდექსის 108-ე მუხლით იხდიდა.

ლაშა მახარაძის მკვლელობასთან დაკავშირებით, საქმე აღძრულია სისხლის სამართლის კოდექსის 108-ე მუხლით, რაც განზრახ მკვლეობას გულისხმობს.

გუშინ, ლილოში კიდევ ერთი მკვლელობა რესტორანში მოხდა. მკვლელობა მოხდა. გარდაცვლილი ეთნიკური აზერბაიჯანელია. შსს-ს ცნობით, მკვლელობაში ეჭვმიტანილი დადგენილია და მიმდინარეობს დაკავებისთვის სპეციალური ღონისძიებები.