უელსის სამიტზე დასასწრებად დღეს გამთენიისას სამთავრობო დელეგაცია გაემგზავრა. მათი განცხადებით, ამ სამიტისგან დიდი მოლოდინი აქვთ და კონკრეტულ შეთავაზებებსაც ელოდებიან.

„მივემგზავრებით ნატო-ს სამიტზე, რომელიც ხვალ და ზეგ გაიმართება უელსში, გვაქვს დიდი მოლოდინი ერთის მხრივ ძალიან კონკრეტული პაკეტისა და გვაქვს იმედი ძალიან სერიოზული მესიჯის ნატო-ს მხრიდან, რომ საქართველო ნატო-ს კიდევ უფრო უახლოვდება“, - განაცხადა მაია ფანჯიკიძემ.

მინისტრთა კაბინეტის გარდა დელეგაციაში ეროვნული ბანკის ხელმძღვანელიცაა.