ამერიკელი ჟურნალისტის სტივენ სოტლოფის დედა ვიდეომიმართვას აკეთებს და „ისლამური სახელმწიფოს“ წევრებს სთხოვს მის შვილს სიცოცხლე შეუნარჩუნონ. მიმართვა სოტლოფის დედამ რამდენიმე დღის წინ გაავრცელა.

დღეს კი ვრცელდება ინფორმაცია იმის შესახებ, რომ სოტლოფი ტერორისტებმა სასტიკად მოკლეს. აღნიშნულის ამსახველი ვიდეომასალა „ისლამური სახელმწიფოს“ ოფიციალურ ვებგვერდზე აიტვირთა, თუმცა, ამ დროისათვის მისი ნახვა შეუძლებელია და ვიდეოკადრების ავთენტურობის დასადგენად აშშ-ს სპეცსამსახურები მუშაობენ.