საქართველოს ექს-პრეზიდენტის მიხეილ სააკაშვილი საბერძნეთში შეყოვნებასთან დაკავშირებით მთავარ პროკურატურაში განმარტება გაკეთდა.

მათი ინფორმაციით, 2014 წლის 1 სექტემბერს საბერძნეთის შსს-სგან მიიღეს ინფორმაცია, რომ მოქალაქე სააკაშვილი კუნძულ სამოსის პოლიცის ზედამხედველობის ქვეშ იყო, როდესაც საბერძნეთში შესვლას აპირებდა.

„ჩვენი ბერძენი კოლეგები გვატყობინებდნენ, რომ კუნძულ სამოსზე, მიხეილ სააკაშვილის მიერ საზღვრის კვეთის დროს და პასპორტის გადამოწმების პროცესში აღმოჩნდა, რომ იგი საერთაშორისო დონეზე იძებნებოდა. ბერძნულმა მხარემ ქართული მხარისგან მოითხოვა დადასტურება მიხეილ სააკაშვილის სამართლებრივ მდგომარეობაზე. ქართულმა მხარემ დაუყოვნებლივ მიაწოდა ინფორმაცია ბერძნულ მხარეს. თუმცა ვინაიდან მიხეილ სააკაშვილის მიმართ არ მიმდინარეობდა წითელი ცირკულარით ძებნა, ბერძნულმა მხარემ მიხეილ სააკაშვილი გაათავისუფლა. მთავარმა პროკურატურამ, უკვე მიმართა ინტერპოლის გენერალურ სამდივნოს, სააკაშვიის ძებნის გამოცხადების თაობაზე. ამ ეტაპზე საკითხი განხილვის სტადიაშია“ , - განაცხადა მთავარი პროკურატურის სამართლებრივი დეპარტამენტის უფროსმა ირაკლი ჩილინგარაშვილმა.მთავარი პროკურატურა