საქართველოს პარლამენტი ხვალ უკრაინის მხარდამნჭერ რეზოლუციას განიხილავს. ამის შესახებ საპარლამენტო უმრავლესობის წევრმა გია ვოლსკიმ განაცხადა. მისი თქმით, უკრაინაში სახეზეა ღია სამხედრო აგრესია და რუსეთის მხრიდან სუვერენული სახელმწიფოს ტერიტორიაზე შეჭრა.

„პარლამენტს უკვე ორი რეზოლუცია აქვს მიღებული. შეფასებებიც გაკეთდა, თუმცა ახლა სიტუცია შეიცვალა და ადგილი აქვს ღია სამხედრო აგრესიას. ამ რეზოლუციის პროექტით ჩვენი სათქმელი იქნება, რომ ვუცხადებთ სოლიდარობას უკრაინელ მეგობრებს და ჩვენი შესაძლებლობების ფარგლებში ჰუმანიტარულ დახმარებას აღმოვუჩენთ“-განაცხადა ვოლსკიმ.

მიმდინარე კვირას რამდენიმე საკითხი იქნება განხილული, რომლის განხილვაც საგზაფხულო სესიაზე ვერ მოესწრო, მათ შორისაა მაუწყებლის შესახებ კანონში ცვლილება.