საბერძნეთში საქართველოს ელჩის დავით ბაქრაძის ინფორმაციით, გემი, რომლითაც მიხეილ სააკაშვილი და ლევან ვარშალომიძე მგვზავრობდნენ, კუნძულ სამოსზე ოთხი საათით შეაყოვნეს.

მისი თქმით, ეს ინფორმაცია მას საბერძნეთის კუნძულ სამოსის პოლიციის განყოფილების უფროსმა დიმიტრი კაპაკიდისმა მიაწოდა.

აღნიშნულ ფაქტს საპარლამენტო ოპოზიცია აფსურდულს უწოდებს.

გავრცელებული ინფორმაციით, გუშინ 18:00 საათზე, თურქეთის მხრიდან, კუნძულ სამოსზე შევიდა ბრიტანეთის დროშის ქვეშ მცურავი კერძო იახტა, რომლის ბორტზე საქართველოს მოქალაქეებიც, მათ შორის მიხეილ სააკაშვილი და ლევან ვარშალომიძე იმყოფებოდნენ. ადგილობრივი პოლიციის ცნობით, სასაზღვრო კონტროლის დროს მიხეილ სააკაშვილის პასპორტის შემოწმებისას გამოჩნდა ინფორმაცია, რომ საქართველოს მხარის მიერ შესულია მოთხოვნა პირის დაკავებასთან დაკავშირებით, თუმცა გამომდინარე იქედან, რომ პროცედურები დასრულებული არ არის, საბერძნეთს პირის დაკავების საფუძველი არ ჰქონდა. მათივე თქმით, გემი კუნძულზე ოთხი საათით დააყოვნეს, რის შემდეგაც უკან გაბრუნდა თავისი ეპიკაჟის შემადგენლობით. ეს არის საბერძნეთის სამართალდამცავების, კერძოდ კი სამოსის პოლიციის განყოფილების უფროსისგან მიწოდებული ინფორმაცია", - განაცხადა დავით ბაქრაძემ.

კუნძულ სამოსის პოლიციის განყოფილების უფროსმა დიმიტრის კაპაკიდისი გადაცემა „მოამბესთან“ ამ საკითხთან დაკავშირებით კომენტარი გააკეთა.

„მე არ მაქვს იმის უფლებამოსილება, რომ პრესას ინფორმაცია მივაწოდო ამ საკითხთან დაკავშირებით, მითუმეტეს ინფორმაცია გავცე ქვეყნის საზღვრებს გარეთ, ძალიან ვწუხვარ მაგრამ ამასთან დაკავშირებით თქვენ უნდა მიმართოთ საბერძნეთის შინაგან საქმეთა სამინისტროს პრესასთან ურთიერთობის სამსახურს ათენში“, - განაცხადა კაპაკიდისმა.