საპარლამენტო უმცირესობის წევრი გიგა ბოკერია ნატო-ს გენერალური მდივნის განცხადებას ეხმაურება, რომლის მიხედვით, შესაძლოა, საქართველოში ნატოს სამხედრო საწვრთნელი ცენტრი შეიქმნას.

ბოკერია რასმუსენის ინიციატივას დადებითად აფასებს, თუმცა მიაჩნია, რომ ეს ვერ შეცვლის პოლიტიკური გზავნილის ნაწილს ნატოში გაწევრიანების გზაზე.

„კარგია, მაგრამ სამწუხაროდ, ეს ყველაფერი ვერ და არ შეცვლის პოლიტიკური გზავნილის ნაწილს გაწევრიანების გზაზე შემდგომი ნაბიჯის თაობაზე, თუ ეს ასე დარჩა ეს იქნება ხელიდან გაშვებული სერიოზული შესაძლებლობა, მითუმეტეს უკრაინაში განვითარებულ რუსული აგრესიის ფონზე“, - განაცხადა ბოკერიამ.

ნატოს გენერალური მდივნის ანდერს ფოგ რასმუსენის თქმით, შესაძლოა, საქართველოში ნატოს სამხედრო საწვრთნელი ცენტრი შეიქმნას.