,,პოსტი წაშალოს, არ დაურეკეს მაგას?!“ - გარემოს დაცვის სამინისტროს თანამშრომელი ზეწოლაზე საუბრობს

სოც.მედია - 20:39, 01 Sep, 2014

3474

მე ვმუშაობ გარემოს და ბუნებრივი რესურსების სამინისტროს ს.ს.ი.პ დაცული ტერიტორიების სააგენტოში და მაინტერესებს ვის ცალია ჩემი პირადი Facebook პოსტების საკითხავდ და ვის ყოფნის თვახედობა გამიკონტროლოს რა დავწერო და რა არა ჩემს პირად გვერდზე? - ამის შესახებ ფისო კიღურაძე სოციალურ ქსელში წერს და ,,ფეისბუქზე“ საკუთარი პოზიციის გამოხატვის გამო სამინისტროს მხრიდან ზეწოლაზე საუბრობს.

,,რომ იცოდეთ რაზე ვსაუბრობ:

22 აგვვისტოს გამოვაქვეყნე პოსტი, სადაც გამოვთქვი ჩემი აზრი Ice Bucket Challenge-ის აქციის მიმართ პრემიერ ირაკლი ღარიბაშვილის დამოკიდებულების შესახებ (ქვევით შეგიძლიათ იხილოთ პოსტი, რომლის გამოც ატყდა ეს ამბავი). რამდენიმე წუთის შემდეგ გავაკეთე კიდევ ერთი უმნიშვნელო პოსტი, სადაც დავაშეარე ვიკიპედიას გვერდი ამავე აქციის წესების შესახებ, მათთვის ვინც ვერ გაიგო ამ აქციის აზრი.

არანაირი განსაკუთრებული მნიშვნელობა არ ექნებოდა ამ პოსტებს და საერთოდ არ დავუბრუნდებოდი ამ თემას, რომ არა ორი საათის შემდეგ ზარი პოსტის წაშლის თხოვნის შესახებ. რამდენიმე წუთის შემდეგ, საკუთარი თავმოყვარეობის და პროფესიის უგულველყოფის ხარჯზე ეს ერთი პოსტი წავშალე, კონკრეტული ადამინის მიმართ პატივისცემის ნიშანად. აქ არ დამთვარდა ყველაფერი, არ იყო გასული კიდევ რამდენიმე წუთი სამნისტროს ერთ-ერთი სამსახურის თანამშრომელმა გამომიგზავნა ერთი გოგო და შემომითვალა:

- ეს მეორე პოსტიც (ვიკიპედიის ლინკზეა საუბარი) წაშალოს, არ დაურეკეს მაგასო?!

რა თქმა უნდა აღარ წამიშლია მეორე პოსტი და საერთოდ მივხვდი, რომ ის პირველიც არ უნდა წამეშალა, რადგან სწორედ უპრინციპობა და საზოგადოების მხრიდან სიჩუმე გახდა წინა ხელისუფლების ძალადობის მიზეზი, ამიტომ ეს ერთი შეხედვით უმნიშვნელო ფაქტი არ ღირს დარჩეს უყურადღებოდ. დროა საკუთარ თავზეც ავიღოთ პასუხისმგებლობა ქვეყნის სწორად განვითარებაში.

ზუსტად ვიცი, რომ ჩვენი ს.ს.ი.პ-ის ხელმძღვანელობას არ ცალია ჩემი სტატუსების საკითხავად და ესმით, რომ პირად სივრცეში შეჭრა უკანონობაა.

მინდა მჯეროდეს, რომ ახალი არჩეული ხელისუფლება არ ცდილობს სიტყვის თავისუფლების შეზღუდვას, რაც მათი მთვარი მონაპოვარია ერთიანი ნაციონალური მოძრაობის შეცვლის შემდეგ.

მნიშვნელოვანიაა გაირკვეს, რომელი უწყების და რომელი თანამშრომლის ინიციატივით მოხდა ამ ზეწოლის განხორციელება ჩემს მიმართ. ამის გარკვევა პირველ რიგში მთავრობის ინტერესში უნდა შედიოდეს თუ ისინი ემიჯნებიან თავისუფალი აზრის შეზღუდვას.

პატივისცემით,

ცისანა (ფისო) კიღურაძე“.