უკრაინაში მიმდინარე მოვლენებს საქართველოს საგარეო საქმეთა მინისტრი, მაია ფანჯიკიძე რუმინეთიდან თავის მოლდოველ და რუმინელ კოლეგებთან ერთად ეხმაურება.

მინისტრის თქმით, მას უშუალოდ ჰქონდა დაგეგმილი შეხვედრა უკრაინის საგარეო საქმეთა მინისტრთან, თუმცა შეხვედრა ვერ შედგა, რადგან ის იმ დღეს იყო დაგეგმილი, როცა უკრაინაში ვითარება უკიდურესად დაიძაბა.

„თუმცა სწორედ იმ პერიოდში იმყოფებოდა ჯანდაცვის მინისტრი უკრაინაში. მან ძალიან სერიოზული ინფორმაცია ჩამოიტანა უკრაინიდან და ჩვენ ძალიან სერიოზული გეგმები გვაქვს, თუ როგორ უნდა დავეხმაროთ უკრაინას“, - განაცხადა მაია ფანჯიკიძემ.

რაც შეეხება ბრალდებებს, რომელიც აღნიშნულ კონტექსტში რბილ რიტორიკას და განცხადებებს უკავშირდება, ფანჯიკიძემ აღნიშნა, რომ ყველა განცხადება, რომელიც ხელისუფლების მხრიდან გაკეთდა, ევროკავშირის, აშშ-ის და სხვა პარტნიორი ქვეყნების განცხადებებთან სრულ თანხვედრაშია.

ნინი კაციტაძე