საგარეო საქმეთა მინისტრი მაია ფანჯიკიძე მიიჩნევს, რომ მიხეილ სააკაშვილზე ძებნის გამოცხადების მოთხოვნას საერთაშორისო თანამეგობრობა ადეკვატურად აღიქვამს.

მისი თქმით, პროკურატურა დამოუკიდებელი ორგანოა და შესაბამისად, მის მოთხოვნასაც ადეკვატურად აღიქვამენ.

„პროკურატურა დამოუკიდებელი ორგანოა. იგი დგამს იმ ნაბიჯებს, რომელიც საჭიროა იმისთვის, რომ გამოიძიოს საქმე და ბოლომდე მიიყვანოს იგი. შესაბამისად, აღნიშნული მოთხოვნა საერთაშორისო თანამეგობრობის მხრიდან ადეკვატურად იქნება აღქმული“, - განაცხადა ფანჯიკიძემ.

მთავარმა პროკურატურამ ექს-პრეზიდენტზე საერთაშორისო ძებნის გამოცხადებისთვის საჭირო პროცედურები დაიწყო.

ნინი კაციტაძე