საქართველოს პრეზიდენტმა თბილისში მიმდინარე საერთაშორისო ლიდერთა ფორუმის მონაწილეებს მიმართა.

გიორგი მარგველაშვილმა იმ საგარეო არჩევანზე ისაუბრა, რომლის გამოც მისი თქმით, საქართველო და უკრაინა უკვე დაისაჯა.

"ჩვენ ვართ ქვეყანა, რომელიც ცდილობს ააშენოს თანამდეროვე დემოკრატიული სახელმწიფო. იმ ქვეყნის მსგავსად, სადაც ახლა ომი მიმდინარეობს, ჩვენც დავისაჯეთ თავისუფალი არჩევანის გამო. რეალურად არსებობს გამოწვევა ახალი დემოკრატიული სახელმწიფოს მიმართ. ადრე ეს არ არსებობდა, მაგრამ ეს გამოწვევა, რომელიც დემოკრატიული ერის ჩამოყალიბებას გულისხმობს, რა თქმა უნდა დაკავშირებულია ბევრ პრობლემასთან და არამხოლოდ იმ პრობლემასთან, როგორიცაა ნოუ-ჰაუს ნაკლებობა, არამედ გეოპოლიტიკურ გარემოსთან, რაც არის რეგიონში", - განაცხადა მარგველაშვილმა.

ნინი კაციტაძე