პრეზიდენტი- უკრაინა და ჩვენ თავისუფალი არჩევანისთვის დავისაჯეთ

პოლიტიკა - 12:01, 31 Aug, 2014

1515

უელსის სამიტზე იგეგმება ორმხრივი შეხვედრები ნატოს გენერალურ მდივანთან და ნატოს წევრ და არაწევრ ქვეყნების ლიდერებთან, - ამის შესახებ საქართველოს პრეზიდენტმა საინფორმაციო გამოშვება ,,მოამბესთან“ ინტერვიუში ისაუბრა. ერთ-ერთი პირველი, ვისაც მარგველაშვილი უელსში შეხვდება უკრაინის პრეზიდენტი იქნება, საქართველოს პრეზიდენტის განცხადებით მას უკრაინელ კოლეგასთან ინტენსიური სატელეფონო კავშირი აქვს.

”ჩვენთვის უაღრესად მნიშვნელოვანია რომ უელსის სამიტზე საქართველო და უკრაინა გამოდიოდეს ერთი ხედვით, საკითხების ერთიანი გადაწყვეტის იმედით , ეს იყოს გარკვეული ტანდემი რომელიც ნატოს წევრი ქვეყნების წინაშე დააყენებს პრობლემების გადაჭრის გარკვეულ გადაწყვეტილებებს.

ჩვენ ვართ მუდმივ კორდინაციაში უკრაინასთან, ჩვენ ვართ ქვეყნები რომელსაც გაგვაჩნია ერთიანი პრობლემატიკა და ამავე დროს ერთიანი ძალიან ამაყი და თავისუფლების მოყვარე ისტორია, ჩვენ ვართ ის ქვეყნები რომლებიც საუბრობენ ახალი, დამოუკიდებელი დემოკრატიების მხარდაჭერის საჭიროებაზე. ჩვენ ვართ ქვეყნები რომლებიც დაისაჯნენ თავისუფალი არჩევანისთვის, ამიტომ ჩვენ ერთმანეთის გვერდით ყოფნაზე მუდმივად ვსაუბრობთ და ერთიანი პოზიციით გვინდა ვაჩვენოთ მსოფლიოს, რომ ისე როგორც უკრაინა, ასევე საქართველო უნდა იყოს მათი ინტერესის პირდაპირ სფეროში, რომ ევროპის დაცულობის თემა უკავშირდება იმას რაც მოხდა 2008 წელს საქართველოში და რაც მოხდა 2014 წელს უკრაინაში.”- განაცხადა მარგველაშვილმა.