თბილისში, საქართველოს პარლამენტის შენობაში, საქართველოს პარლამენტის თავმჯდომარე დავით უსუფაშვილი უმრავლესობის წევრებს ხვდება.

ამ შეხვედრაზე ერთ-ერთი მთავარი განსახილველი თემა უკრაინაში განვითარებული მოვლენებია.

პარლამენტის საშემოდგომო სესიის პირველივე სხდომაზე, ანუ მომდევნო კვირას, პარლამენტი გეგმავს მიიღოს უკრაინასთან დაკავშირებული რეზოლუცია, რომლითაც დეპუტატები მხარს დაუჭერენ როგორც უკრაინის სუვერენიტეტს, ასევე ამავე დოკუმენტში დაგმობილი უნდა იყოს რუსეთის ინტერვენცია უკრაინაში.

დოკუმენტის ტექტსზე ამ წუთებშიც მუშაობს ევროინტეგრაციის კომიტეტი. კომიტეტის თავმჯდომარე ვიქტორ დოლიძე ოპონენტების კრიტიკას გამოეხმაურა იმის შესახებ, რომ ხელისუფლებას არ სურს უკრაინაში მიმდინარე პროცესებს თავისი სახელი დაარქვას.

„უკრაინაში მიმდინარე მოვლენები, რუსეთის სამხედრო ინტერვენცია, რუსული ტანკები, რუსული იარაღი თუ რუსი ჯარისკაცები იბრძვიან, ეს ნიშნავს იმას, რომ გადამწყვეტ ფაზაში შევიდა რეალურად ეს ბრძოლა და განსაკუთრებით დღეს საერთაშორისო თანამეგობრობის როლი უნდა იყოს როგორც არასდროს ისეთი მყისიერი“,- აღნიშნა დოლიძემ.

2012 წლის საპარლამენტო არჩევნების შემეგ ეს არის პირველი შემთხვევა, როცა თბილისში რუსთაველის გამზირზე მდებარე შენობაში იკრიბება უმრავლესობა. ბიუროს პირველი სხდომა აქ სამშაბათს გაიმართება.

ნინა შადური