სამხრეთ კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენლი ჯეიმს აპატურაი აცხადებს, რომ საქართველოს თავდაცვის მინისტრის ირაკლი ალასანიას ინიციატივა, რომ საქართველოს თავდაცვის სისტემები სჭირდება, ძალაში რჩება.

ამის შესახებ აპატურაიმ „საზოგადოებრივი მაუწყებლთან“ ინტერვიუში განაცხადა.

„თუმცა, როგორც უკრაინის შემთხვევაში, ნატო-ს, როგორც ორგანიზაციას, ამის საშუალება არ აქვს, მაგრამ ის, რომ საქართველო საჭიროებს თავდაცვითი შესაძლებლობების განთავსებას, საბოლოო კომუნიკეში ჩაიწერება, რომელსაც ჩრდილოატლანტიკური ალიანსი სამიტის დასრულების შემდეგ მიიღებს. შემდეგი ნაბიჯები უკვე ნატო-ს წევრი სახელმწიფოების გადასაწყვეტი იქნება“, - განაცხადა ჯეიმს აპატურაიმ.

ირაკლი ალასანიამ ნატო-ს თავდაცვითი შესაძლებლობების საქართველოში განთავსების შესახებ მაისში, ვაშინგტონში ატლანტიკური საბჭოს მიერ ორგანიზებულ კონფერენციაზე - "ერთიანი და თავისუფალი ევროპა" სიტყვით გამოსვლისას განაცხადა.

ნინა შადური