თბილისის საკრებულოს ფრაქცია „ნაციონალური მოძრაობის“ თავმჯდომარე სევდია უგრეხელიძე დავით ნარმანიას პასუხობს.

„პოლიტიკურად ვაგებთ პასუხს იმაზე, რომ ბიუჯეტი იყო დაგეგმილი მათი მითითებების შესაბამისად შეძლებიდაგვარად კარგად. შესრულდა იგი გადაჭარბებით. დღეს მათ თუ სურთ ცვლილების შემოტანა, არავინ არ უშლის ამას, ცვლილებები ყოველთვის შეიძლება შევიდეს ბიუჯეტში და არ არის საჭირო ამისთვის ლანძღვა, გინება და ტალახის სროლა და ჩემთვის რაღაცა თანხების გაფლანგვის დაბრალება, ვინაიდან ეს არის ძალინ კომიკური“,- განაცხადა უგრეხელიძემ.

დედაქალაქის მერი დავით ნარმანია არსებულ კრიზისს მერიის ყოფილმაღალჩინოსნებს უკავშირებს და მათი პასუხისმგებლობის შესაძლებლობაზე საუბრობს.

„ისეთი მძიმე მდგომარეობა დაგვხვდა ბიუჯეტში, რომ ბიუჯეტი იქნება დეფიციტური და ჩვენ დაახლოებით 25 მილიონ ლარამდე თანხის სესხება მოგვიწევს. რაც შეეხება პასუხისმგებლობას, ბიუჯეტის პროექტი დგება მერიაში და იმათ უნდა მოეთხოვოს პასუხი, ვინც არარეალურად მაღალი პროექტები დაგეგმეს“,-აღნიშნა მერმა.

ნინა შადური