NDI-ს კვლევის თანახმად, გამოკითხულთა 69 % მიიჩნევს, რომ საქართველოში სამუშაო ადგილების თვალსაზრისით მდგომარეობა არ შეცვლილა, 5%-ის აზრით გაუმჯობესა, 22 % კი თვლის რომ გაუარესდა.

სიღარიბის თვალსაზრისით - 5%-ის აზრით გაუმჯობესდა, 65% მიიჩნევს, რომ არ შეცვლილა, 28% კი თვლის, რომ გაუარესდა.

ტერიტორიული მთლიანობა - გამოკითხულთა 4%-სთვის მდგომარეობა გაუმჯობესდა, 82%-სთვის უცვლელი დარჩა, 12 %-სთვის კი გაუარესდა.

პენსიების გაცემის კუთხით - 27%-ისთვის გაუმჯობესდა, 64%-ისთვის არ შეცვლილა, 3%-ისთვის კი გაუარესდა.

გამოკითხულთა 21%-სთვის რუსეთთან ურთიერთობა გაუმჯობესდა, 68 პროცენტისთვის არ შეცვლილა, 7%-ის აზრით კი გაუარესდა.

გამოკითხულთა 35 % მიიჩნევს, რომ საქართველოში სიტყვის თავისუფლების კუთხით მდგომარეობა გაუმჯობესდა, 54 %-სთვის არ შეცვლილა, 5%-ისთვის კი გაუარესდა.