დარიალის საბაჟო გამშვებ პუნქტზე, მეწყერის ჩამოწოლის შედეგად, ზარალი ერთიდან სამ მილიონამდე შეადგენს. საბოლოო მონაცემები რამდენიმე დღეში გახდება ცნობილი. ამის შესახებ კომენტარი საქართველოს ფინანსთა მინისტრმა ნოდარ ხადურმა გააკეთა:

"სამი ნაგებობიდან ორი ხრეშითა და ქვიშით იყო დაფარული. მათი გაწმენდა მიმდინარეობს. დაზიანებულია ხელბარგის სკანერი, ასევე დაზიანებლია საკმაოდ ძვირადღირებული სასწორი, რომელიც სატვირთო მანქანების ასაწონად გამოიყენება. რაც შეეხება სკანერს, მიმდინარეობს მისი ტესტირება და ორ-სამ დღეში გვეცოდინება არის თუ არა დაზიანებული. სკანერის გარეშე ზარალი მილიონი დოლარია. თუ სკანერიც დაზიანებულია, მაშინ მარტო საბაჟოზე დაახლოებით 3 მილიონის ზარალი გვექნება", - განაცხადა ხადურმა.