მეუფე იაკობის მიერ „ერთიანი ნაციონალური მოძრაობის“ წინააღმდეგ ხმის მიცემისადმი მოწოდებას, NDI-ს კვლევის თანახმად გამოკითხულთა უმრავლესობა არ ამართლებს.

გამოკითხულთა 77%-მა არ იცოდა იმის შესახებ, რომ 6 ივლისს მეუფე იაკობმა ამომრჩევლებს მოუწოდა, "ერთიანი ნაციონალური მოძრაობის" წინააღმდეგ მიეცათ ხმა. ამის შესახბ საქმის კურსში მხოლოდ 18 პროცენტი იყო. %-ისთვის.

მეუფე იაკობის მიერ "ნაციონალური მოძრაობის" წინააღმდეგ ხმის მიცემისადმი მოწოდებას გამოკითხულთა მხოლოდ 13% ამართლებს, 63% არ ამართლებს, 23% აცხადებს, რომ "არ იცის", ხოლო 1%-მა კითხვაზე პასუხისგან თავი შეიკავა.

70%-მა არ იცოდა იმის შესახებ, რომ ცენტრალურმა საარჩევნო კომისიამ მეუფე იაკობისაგან ახსნა-განმარტება მოითხოვა, რადგან საარჩევნო კანონმდებლობა კრძალავს რელიგიური ორგანიზაციების მიერ საარჩევნო კამპანიაში მონაწილეობას. გამოკითხულთა 18% აცხადებს, რომ იცოდა ამ ფაქტის შესახებ, 11%-მა უპასუხა – არ ვიცი, ხოლო 1%-მა პასუხზე უარი განაცხადა.

გამოკითხულთა 44% ამართლებს ცენტრალური საარჩევნო კომისიის მიერ მეუფე იაკობისგან ახსნა-განმარტების მოთხოვნას, 24% არ ამართლებს, 30% ამბობს, რომ არ იცის, ხოლო 1%-მა პასუხზე უარი განაცხადა.

NDI-ის აგვისტოს კვლევის საველე სამუშაოები მიმდინარე წლის 23 ივლისიდან 7 აგვისტომდე პერიოდში ჩატარდა. კვლევის ფარგლებში 3 338 რესპონდენტი გამოიკითხა.