საქართველოს საგარეო საქმეთა მინისტრის მოადგილემ აფხაზეთში ე.წ. საპრეზიდენტო არჩევნების ჩატარებასთან დაკავშირებით კომენტარი გააკეთა და მას უკანონო უწოდა:

“აფხაზეთის ტერიტორიაზე ჩატარებული ე.წ. არჩევნები არის უკანონო აქტი. ბუნებრივია, ეს არის საერთაშორისო სამართლის ნორმების უხეში დარღვევა, რომელიც ჩვენი ქვეყნის სუვერენიტეტს უგულებელყოფს. დარწმუნებული ვარ, რომ საერთაშორისო თანამეგობრობის მხრიდან ამას ედეკვატური შეფასება ექნება. უკვე ცნობილია, რომ ევროკავშირმა ამასთან დაკავშირებით გარკვეული განცხადება გააკეთა და დარწმუნებული ვარ, რომ ჩვენი სხვა პარტნიორების მხრიდანაც მოყვება ამას შესაბამისი განცხადებები”, - განაცხადა ზალკალიანმა.