საგარეო უწყება: ილოვაისკში მომხდარი ინციდენტის დროს ქართველები არ დაღუპულან

პოლიტიკა - 19:56, 24 Aug, 2014

2275

საქართველოს საგარეო საქმეთა სამინისტრო უკრაინაში, კერძოდ ოლივაისკში გუშინ მომხდარ ინციდენტთან დაკავშირებით განცხადებას ავრცელებს, უწყებაში განმარტავენ, რომ ქალაქის დაბომბვის დროს არცერთი იქ მებრძოლი ქართველი არ დაღუპულა.

,,სოციალურ ქელებში დღეს გავრცელებულ ინფორმაციასთან დაკავშირებით გაცნობებთ, რომ უკრაინაში საქართველოს საელჩოდან და საკონსულო დაწესებულებაში ამ დროისთვის არ შესულა ინფორმაცია ქართველები დაღუპვის თაობაზე, ილოვაისკში მომხდარი ინციდენტის დროს. ცნობას არ ადასტურებენ უკრაინის ოფიციალური სტრუქტურები. საკონსულო კვლავაც გააგრძელებს, ყველა შესაძლო არხებით, სოციალურ ქელში დღეს გავრცელებული ინფორმაციის გადამოწმებას“, - ნათქვამია სამინისტროს განცხადებაში.

შეგახსენებთ, რომ გუშინ ტერორისტებმა ილოვაისკში ის ტერიტორია დაბომბეს, სადაც უკრაინელ ჯარისკაცებთან ერთად ქართველები იბრძვიან, თუმცა ქართველების მხრიდან მსხვერპლი არ ყოფილა. უკრაინელების მხრიდან დაღუპულია ერთი, ხოლო სამი სამხედრო დაჭრილია. ,,40 წუთის განმავლობაში, შეუწყვეტლივ იბომბებოდა ჩვენი ეზო. ისროდნენ ჰაუბიციდან და ტანკიდან. სამი დაჭირილია და ერთი დაღუპული", - წერს ქართველი სამხედრო ირაკლი ქურასბედიანი სოციალურ ქსელში.